HEVKARIYA PDK’Ê YA DEWLETA TIRK ÊN BI KOMÊN ÇETEYAN RE
Haberler / 17 Mart 2016 Perşembe Saat 11:43
12 Punto 14 Punto 16 Punto 18 Punto
Piştî serkeftinên dawî yên Hêzên Suriya Demokratîk (QSD) li herêma Şehbayê dewleta tirk ji bo rê li pêşiya girêdana Kantona Kobanê û Efrînê bigire û bajaroka Ezaz û Marê ji destê komên çeteyan dernekeve hemû hewildanên qirêj dixe dewrê

Piştî serkeftinên dawî yên Hêzên Suriya Demokratîk (QSD) li herêma Şehbayê dewleta tirk ji bo rê li pêşiya girêdana Kantona Kobanê û Efrînê bigire û bajaroka Ezaz û Marê ji destê komên çeteyan dernekeve hemû hewildanên qirêj dixe dewrê. Li bajarê Dîlokê (Entabê) civînek di navbera MÎT û komên çeteyên wekî El-Nûsra, Ehrar El Şam, Artêşa Fetîh, Tabûra Nûredîn Zengî, Tûgaya Ehfad Selahedîn û fermandarê berê yê Artêşa Azad yê Helebê Ebîd Elcebar Îgêdî de pêk hat.

Çeteyekî Ehrar El Şam ê bi navê Ebû Omer El Şamî k udi şerê Til Rifet de hatibû girtin eşkere kir ku dewleta tirk ji wan xwestiye ku 2 hezar çete ji Idlibê bi riya Tirkiyê re bînin Ezazê û destnîşan kiriye ku di heman demî de wê MÎT di riya alîkariya penaberên ku li ser sînor asê mane çek û cebilxane rêbikin ji wan re û di nava wan de çekên kîmyewî jî hene. El Şamî, wiha got: “Di civînê de tabûrên kurdî jî hebûn wek e Ehfad Selahedîn û hin endamên hevrêzên ciwanên kurda yên girêdayî PDK-S û partiya Azadî bi taybetî ji Efrînê bûn, MÎT ji wan xwest ku ciwanan tevlî xwe bikin û propagandaya li dijî QSD ê belav bikin. Di heman demê de MÎT ji wan re gotiye di pêş de wê komek ji Pêşmergeyên Rojava jî tevlî wan bikin ji ber ku wan bi rayedarên PDK ê re nîqaş kirine û erê kirine.”

Tûgaya Bı Navê Ehfad Selahedîn Kî Ye?

Tûgaya Ehfad Selahedîn di sala 2012 de hatiya damezrandin. Di despêkê de cihê xwe di nava komên çete de girtiye. Dewleta tirk û PDK’ê piştgiriya wan dike û gelek caran bi piştgiriya wan çete êrîşê Kantona Efrîn û taxên kurdan Şêxmexsûd a Helebê kirine. Ev kom girêdayê Partiya Azadî ku serokatiya wî Mustefa Cûma dike û jixwe di bin sîwana PDK’ê de li Hewlerê dimîn e. 

Komên çekdar ên ENKS’ê jî destpêkê cihê xwe di êrîşên çekdarî yên li ser herêma Ezaz, Efrînê û taxa Şêxmeqsûd a Helebê de digirtin.

Dîmenên Ku Belav Bûne

Li ser hin malperan dîmenek ji hundirê bajaroka Marêa yê li nêzî bajaroka Erfad (Til Rifet a herêma Ezazê hatiye weşandin. Di wî demenî de Fermandarekî koma çekdar a bi navê Tugaya Ehfadê Selahedîn (Neviyn Selahedîn) ji komekê re diaxive. Li pişt wî fermandarî jî komeke çekdar ku temenê hemûyan kêmî 25 salî ne hene. Fermandar derbarê mijarê de wiha dibêje: “Em ê rê nedin PKK’ê li gundên bakurê Helebê pêş bikevin û herêma di navbera Ezaz û Cerablus bixin destê xwe.”

Ya balkêş ew e ku heman gotin ji aliyê rayedarên hikûmeta Tirkiyê dihatin gotin. Wan jî îdayên wekî: “Em ê rê nedin YPG’ê PYD’ê yên girêdayî PKK’ê herêmên bixin destê xwe.” Aramanca dewleta Tirkiyê ji wan gefan jî ew e ku destwerdana leşkerî di herêmê de bike û artêşa xwe li herêmê bi cih bike.

Li aliyê din Ebû Hemze di hevdîtineke bi rojanameya BILD a Elmanî re got ku ew ê şerê YPG’ê bikin, wê rê nedin ku ew deriyê sînor ê Bab El-Selama rizgar bikin. Her wiha diyar kir ku ew bi Ehrar El-Şam û Feyleqa El-Şam ên di bin sîwana Cebet El-Nûsra de di nava Ceyiş El-Fetih de cih digirin û di nava kordîneyê de ne. Ebû Hemza her wiha got ku serokê herêma Başûrê Kurdistanê ku dema wî ya serokatiyê xilas bûye Mesûd Barzanî serokê wane û dibêje ku ew piştgiriya xwe ya çekan ji Tirkiyê digirin.

Herî dawî jî Hêzên QSD’ê li bajarê Erfad (Til Rifet) belgeyek nivîskî dîtin, di wê belgeya ku nameyeke nivîskî ji aliyê fermdarên Ehrar El-Şam ji Fermandarên El-Nusra re hatiye nivîsandin, ji wan dixwazin ku rê bidin komên çekdar ên bi navê Pêşmerge derbasî herêma Ezaz û Şehab bibin û di şerê li dijî gelê kurd de cih bigirin.

Nema Hevkarî Tê Veşartin

Li gorî ku zelal dibe dewleta Turkiyê, ENKS, KDP ê, İtîlfa Sûrî di nav hevkariyekî dene ji bo Kantona Efrîn û Kobanê nebe yek û Rojavayê Kurdistanê azad nebe. Ji ber vê yekê êrîşên komên çete li ser Şexmeqsûd, Efrîn û Herêma Şehba di dema agirbesta li Suriyê zêdetir bûn, dewleta Turkiyê bi hevkariya çeteyên DAİŞ’ê êrîşê Girê Spî kirin. Di heman demê de daxuyaniyên daî yên ENKS’ê û girtina deriyê Sêmalka hemû bi hev ve  girêdayî ye.

Amed Denîz

Kürdistan Stratejik Araştırmalar Merkezi

www.lekolin.com - www.lekolin.org - www.lekolin.net – www.lekolin.info - www.navendalekolin.com

 

Parveke

TAGS(ETIKETLER): HEVKARIYA  PDK  E  YA  DEWLETA  TIRK  EN  BI  KOMEN  CETEYAN  RE  

Bu Yazıya Henüz Yorum Eklenmemiş.